Dam olish maskani haqida

Layner Toshkent viloyatida, Chiyon qishlog‘ida joylashgan bo‘lib, Chimyon kanatli yo‘lidan atigi 8 km uzoqlikda. Butun dunyoda tan olingan tog‘lar va tabiatning go‘zalligi sizga osoyishtalik va dam olish tuyg‘usini beradi! Toza tog‘ shamoli mehmonxona majmuasining yelkanlarini to‘ldirib, sizga ijobiy his-tuyg‘ular va yaxshi kayfiyat ulashishini his eting!

Majmua hududida 8 ta ikki qavatli yashash korpuslari joylashgan bo‘lib, ulardan 6 tasi standart va 2 tasi «lyuks» xonalardir. Mehmonlar uchun 100 ta qulay va shinam xona mavjud.

Xonalardan birida joylashib, siz jahon darajasidagi qulaylik va shinamlikni his qilasiz. Har bir mehmon uchun quyidagi imkoniyatlar va afzalliklarni taqdim etuvchi mehmonxonadan bahramand bo‘ling:

• - Eng yangi mahsulotlardan tayyorlangan mazali va to‘yimli nonushta
• - Kattalar va bolalar basseynlari
• - Futbol maydoni
• - Basketbol va voleybol maydonchalari
• - Tennis korti
• - Fitnes zali
• - Turk bug‘ hammomi va fin saunasi
• - Yopiq va ochiq bolalar maydonchalari
• - Jonli musiqa va shou-dastur
• - Biznes markazi
• - 3D-kinoteatr
• - Majmua hududidagi avtoturargoh
• - Hududni kechayu kunduz qo‘riqlash

Siz uchun tanlovga 5 toifadagi xonalar taklif etamiz, ulardan:

• 48 Standard Twin (Alohida yotoqli standart xonalar)
• 36 Standard Double (Bitta katta yotoqli standart xonalar)
• 8 Luxe Double (Ikki xonali va bitta katta yotoqli lyuks xona)
• 4 Luxe Twin (Ikki xonali va ikkita alohida yotoqli lyuks xona)
• 4 Deluxe Twin (Ikki xonali va ikkita alohida yotoqli yarim lyuks xona)

• Family Zone alohida korpusda joylashgan bo‘lib, ikki qavatni egallaydi va har bir oila a’zosi uchun to‘liq o‘yin-kulgilar to‘plami bilan jihozlangan.
• Birinchi qavatda qat’iy xavfsizlik va qulaylik talablariga javob beradigan bolalar maydonchasi joylashgan!
• Ko‘p miqdordagi va xilma-xil bolalar o‘yinchoqlari va attraksionlari bolalaringizga yoshi va yil faslidan qat’i nazar o‘z xohishlaricha o‘ynash imkonini beradi!
• Kichkintoylar uchun turli xil meva va sutli kokteyllar, ichimliklar va shirinliklar taklif qiluvchi bolalar bari ishlaydi!
• Bolalaringiz o‘ynayotgan paytda siz shu yerda joylashgan 3D-kinoteatrda kino yangiliklarini tomosha qilishingiz mumkin.
• Ikkinchi qavatda bilyard muxlislari va professionallar uchun jannat – Bill Pub sizni kutmoqda. Siz uchun tanlovda – uchta rus bilyard stoli va bitta snuker stoli.
• Yaqin atrofda MiniZoo joylashgan – bu yerda bolalaringiz qushlar va hayvonlarni xavfsiz masofadan kuzatishi mumkin.